الفرق بين الزاجل والكريزلي والبلدي

السلام عليكم ورحمة الله وبركاتة

اهلا بكم ف موضوع تعليمي جديد للمبتدئين
بناء ع استفسارات الاعضاء المستمرة للتفرقة عن الزاجل والكريزلي والبلدي

الموضوع سهل جدا يا جماعة وقواعد بسيطة لو التزمنا بيها الموضوع هايعدي
هانمسك نوع نوع ونفصصة ونعرف الاختلافات بينة وبين الباقي

$اولا الزاجل$

الحمام الزاجل بدون منازع يحتل المركز الاول سواء ف السباق او الحضان
لانها حمامة قوية جدا تستطيع السباق لمسافات كبيرة ف مدة قصيرة وحضان ممتاز لانة يتميز بحنية كبيرة وصدر واسع واشداق واسعة
طيب هانعرف الزاجل ازاي
الزاجل بيتميز بحاجات كتير اهمها
حجمة بيكون مكتنز الجسم كثير العضلات تحس انك ماسك كورة عضل ف ايدك وطبعا بيبان علية القوة
ومن مميزاتة بردة ان الفرد بيبقي قصير مش طويل وتحس انك لو بصيتلة من فوق بيكون ع شكل مثلث صدرة عريض ويفضل يقل

لحد الديل لان تركيز العضلات كلها بيكون ف الكتاف وعضلات الصدر

الفرق بين الزاجل والكريزلي والبلدي Mc120526

نتفرج كدة ع الاخوين جانسين من اكتر الناس ال برعوا ف الزاجل ووضعوا بصمتهم فية لان الزاجل حمامة مهجنة
ايوة مهجنة
من مجموعة انواع زي الهومر والاولد ريس والحساوي والبغدادلي العربي والبري كمان
ايوة البري
البري من حمامة مهاجرة تستطيع السفر لمسافات طويلة وخفيفة الحجم لذلك هجنوها ع اذكي حمام وهوة الزاجل
بس مش معني كدة تقعد انت تلغبط ف الانواع وتقولي انا باعمل سلالة
لا طبعا الاخوين جانسين قضوا عمرهم كلة يعملوا سلالة واحدهم توفي ولم يبقي سوي لويس جانسين حاليا وحيدا ف الهواية بدون

رفيق عمرة واخية
الناس دي قضت عمرها كلة علشان تعمل سلالة ال دورك انت تحافظ عليها

الفرق بين الزاجل والكريزلي والبلدي DmD20828

نكمل مواصفات
من الحاجات كمان ال بتميز الزاجل وقفتة
بص كدة ع الفرد تحس انة ملك الحمام واقف وقفة ف شموخ وع فكرة كل الزاجل بيقف الوقفة دي

الفرق بين الزاجل والكريزلي والبلدي Y4h20526

كمان من الحاجات ال بيميز الزاجل عينة
لونها ملحي وياريت تلاحظ الصورة ال فاتت ولاحظ لون العين وكل ما اللون الاحمر تقل ف العين دة دليل ع الاصالة والقدرة ع

السباق لمسافات طويلة

الزواجل او الجمعيات ليها اشكال كتيرة
يعني الفرد ال انا لسة عارضة دة توبة ازازي
والنتاية ال هاعرضها دلوقت حديدي

الفرق بين الزاجل والكريزلي والبلدي PLu20526

وال جاية توبها مفصص

الفرق بين الزاجل والكريزلي والبلدي QxR20526

ودي اشكال تانية للاتواب

الفرق بين الزاجل والكريزلي والبلدي HMq20526

الفرق بين الزاجل والكريزلي والبلدي IiP20828

الفرق بين الزاجل والكريزلي والبلدي UWr20828

ياريت تكون خليت بالك من لون العين
تمام كدة
كل دة اتواب زاجل اتفقنا ؟؟؟
تعالي بقي لنقطة الخلاف
دول توبين زاجل ..... خليك معايا للاخر بس

الفرق بين الزاجل والكريزلي والبلدي WTy30005

الفرق بين الزاجل والكريزلي والبلدي SEV21213

قشطة كدة
الاول ابيض سادة والتاني توبة (جرزلي) دة الاسم العلمي للتوب
الزاجل ال توبة جرزلي دة حمامة بيضة ملطشة ف اي لون تاني اسود احمر ازرق تمام؟
لاحظ الوقفة والطول والعيــــــــــــــــــــــــن لونها ابكم ف الابيض بص بس ع الصورة
والكرزلي لون عينة يا اما بتيجي ابكم لو فاتح اوي وكل ما اللون اغمق والتلطيش زاد بتبقي ملحي اكتر والحمار بيزيد تمام؟؟؟

$الكرزلي$
دي حامة هجين شبة الزاجل ف كل حاجة بس اطول منة شوية وعضمعا ساعات بيعدي عضم الزاجل بيبقي اطول منة يعني

الفرق بين الزاجل والكريزلي والبلدي VoW30431

تمام
طب عينة لونها اية؟؟؟
عينة بيضاء

الفرق بين الزاجل والكريزلي والبلدي Dk721213

يبقي ف الزاجل عينة بكماء ف الابيض والجرزلي الفاتح
وعينة بيضاء ف الكرزلي

طيب سؤال بقي
لو فاهم هاتجاوب ولو مش فاهم انا افهمك
دة اية؟؟؟

الفرق بين الزاجل والكريزلي والبلدي XGp21213

......
....
..
.
فكرت؟
دة زاجل .....بس دة عضمة اسود .... ماليش فية عينة لونها اية ؟؟؟؟ بكماء يبقي زاجل مش كرزلي
دة ممكن يتقال علية ابيض وممكن يتقال علية كرزلي

خليك عارف بقي باقي مواصفات الزاجل والكرزلي ال شبة بعض ال لغبطتنا فيهم دول ماشي
لان اتواب الزاجل شبة اتواب البري وشبة اتواب البلدي بس احنا دلوقت عرفنا نفرق
مش ناقص غير البلدي

$البلدي$

دي بقي حمامة عادية جدا ليها اشكال والوان كتيرة واحجام مختلفة واحد صغير وواحد كبير

الفرق بين الزاجل والكريزلي والبلدي HCS31037

الحمام ال فوق دة كلة بقي حضان ممتاز
بس الفرق ف اية ؟؟
الفرق ف الحنية بتاعة الحمامة مش هاتفرق بقي نوعها المهم تكون حنينة
لو فريخ ونفسك ف شغل كويس دور ع الحنين وهاتة
ياريت تكون فهمت علشان مافيش بعد كدة بقي الا الخرزانة ههههه
شربتوا المعلومة ولا لسة؟

وماتوفيقي الا بالله
وشكرا

» هل تعرف الفرق بين المجال الكهربى والمجال المغناطيسى ؟؟؟؟؟؟
» تعالى شوف الفرق بين بنات زمان وبنات هالايام ههههه